سؤال : عاوز أبدأ أدرس كتابات الآباء (الباترولوجي)، أعمل إيه؟

– لو لسه مبدأتش خالص في الموضوع دا، وحابب تبدأ فيه، فأنصحك تبدأ تقرأ دراسات عن الآباء الأول، مش نصوصهم الكاملة، لإن الدراسات هتختصر لك مشوار كبير هتمشيه لوحدك من غيرها علشان توصل لنفس المعلومة، دا غير إن قراءة النصوص الآبائية مُباشرة في البداية مش هيكون مُفيد بالنسبة لشخص محتاج يبدأ وبيتلمس الطريق.
لو محتاج دراسات عن الآباء هما 3 أماكن مُحددين مُمكن تلجأ لهم علشان تحصل على الدراسات دي:
1- المركز الأرثوذكسي للدراسات الآبائية (https://www.facebook.com/patristic?ref=br_rs)، ودا أقدم وأهم مكان موجود في مصر مُتخصص في مجال آباء الكنيسة.
2- مركز بناريون للتراث الآبائي (https://www.facebook.com/PanarionCenter/?ref=br_rs)، بدأ المركز ينشر سلسلة لواحد من اهم الدراسات الكلاسيكية في مجال الآبائيات، وهي سلسلة العالم جوهانس كواستن (الباترلوجي- مدخل لعلم الآباء)، صدر منهم مُجلدين حتى الآن هما الأهم في المجال دا.
3- مدرسة إسكندرية للدراسات المسيحية (https://www.facebook.com/asfcs.org/?ref=br_rs)، اللي بيشرف عليها واحد من الآباء الموقرين لدير البراموس، وبيعمل فيها مجموعة من المُتخصصين في الدراسات المسيحية، في مجموعة ترجمات لنصوص آباء ما قبل نيقية قام بيها أ/ أمجد رفعت، زي ترجمة اعمال ديونسيوس الكبير، وترتليان، وكتاب الروح القدس للعلامة السكندري ديديموس الضرير، وبتتميز الترجمات دي بمقدماتها الجيدة جدًا اللي هتساعدك تعيش في اجواء النص، مش بس تقرأه.
ممكن تتواصل مع المراكز عبر الصفحات بتاعتهم الموجودة جنب اسمهم دي، وتعرف أماكنهم، وأرقام تليفوناتهم، وأنشتطهم، وكل البيانات.

– لو بتقدر تقرأ الكتب اللي بصيغة (pdf) ممكن ترجع للكتب دي:

– كتاب الباترولوجي في القرون الستة الأولى للقمص تادرس يعقوب، وهو كتاب موسوعي وقيِّم جدًا وهيقدم لك خلفية ممتازة عن الآباء والقضايا اللاهوتية اللي كانت بتواجههم. ممكن تحمله من هنا:
http://ixoyc.net/data/Fathers/089.pdf
– الكتاب الموسوعي اللي اصدره الأب كيرلس سليم وأخرون بعنوان: تاريخ الفكر المسيحي عند آباء الكنيسة

– القس الدكتور حنا جرجس الخضري، له كتاب عظيم من أربع أجزاء بعنوان: تاريخ الفكر المسيحي
بيركز على فكر الآباء تجاه شخص المسيح، مع دراسة لتعاليمهم اللاهوتية بشكل عام، مع نبذة لكل هرطقة كانت بتواجههم:

– كتاب: مجموع الشرع الكنسي، لحنانيا إلياس كسَّاب الكتاب بيناقش الموضوعات اللي تناولتها القوانين والمجامع الكنسية في القرون الستة الأولى، مع دراسة للخلفيات الثقافية لكل مجمع:
http://ixoyc.net/data/Fathers/061.pdf

– بعد كدا ممكن تقرأ دراسات في لاهوت الآباء نفسهم، زي فكرهم عن الثالوث وعن الفداء وعن الكنيسة والأسرار وغيره.. ودا ممكن تبدأ فيه من الدراسات دي:

– كتاب الطريق الأرثوذكسي، للاهوتي الأرثوذكسي كاليستوس وير. والكتاب أشبه بلاهوت نظامي أرثوذكسي بيستعرض فيه الكاتب بشكل رشيق ومُختصر مُجمل العقائد المسيحية من وجهة نظر الآباء

العدالة الإلهية حياة لا موت مغفرة لا عقوبة، لدكتور هاني مينا.
وهو بحث في معنى الفداء والخلاص بين اللاهوت الشرقي الآبائي واللاهوت الغربي اللاتيني، وهو من أهم الكتب اللي قرأتها على المستوى الشخصي وغيرت في تفكيري:
http://www.christianlib.com/625.html/

– الكتاب المُقدس والكنيسة والتقليد، للأب جورج فلورفسكي.
الكتاب بيستعرض آراء الآباء حول الكتاب المُقدس ومعناه ووحيه ومكانته داخل الكنيسة والتقليد:
http://www.jesus-for-all.net/christian_books/pdf_218.pdf
وفي نفس المجال في كتاب آخر مُهم بعنوان العهد الجديد نظرة أرثوذكسية:
http://www.christianlib.com/1118.html/

– الروح القدس رؤية كتابية وآبائية. الأنبا هرمينا.
من أهم الكتب الآبائية التي تناولت موضوع الروح القدس، لاهوته، وعمله في الإنسان والكنيسة:
http://www.christianlib.com/2004.html/

بعد ما تتشبع من القراءة في مُقدمات الآباء والدراسات عنهم، لو حبيت تكمل ممكن تبدأ تقرأ في نصوصهم نفسها، واللي ممكن تحصل عليها ورقية من الأماكن اللي سبق ذكرناها، أو تحملها على الكمبيوتر أو الموبايل وتقراها من الموقعين دول:

http://www.christianlib.com/…/%d8%a7%d8%a8%d8%a7%d8%a6%d9%8…

مكتبة الكتب المسيحية.

https://arabic.coptic-treasures.com/patrology/patrology.php
موقع الكنوز القبطية.

– لو لغتك الإنجليزية كويسة دا هيساعدك كتير في دراستك وقراياتك لكتابات الآباء، فكتاباتهم تُرجمت الغالبية العُظمى منها للإنجليزية، وكلها دلوقتي مُتاحة على الإنترنت، فمثلاً:

1- موقع الكتابات المسيحية المُبكرة، بيحتوي على مجموعة ضخمة جدًا من كتابات الآباء:
http://www.earlychristianwritings.com/
2- كمان الموقع دا: http://www.iclnet.org/ يُعتبر موقع مُفهرس لكتابات الكنيسة الأولى، وفيه معلومات قيّمة جدًا عن كل نص آبائي ومين المُترجم ووقت كتابته.. ومعلومات تانيه مُهمة.
3- كتابات آباء نيقية وآباء ما بعد نيقية: قام بنشرها فيليب شاف Ph. Schaff بمشاركو واس Wacee في 28 مجلداً. وصدرت باسم ( Select Library of Nicene and Post-Nicene Fathers of the Christian Church, ed. By Ph. Schaff and H. Wace. Buffalo and New York, 1886-1900)، وهي تشمل مجموعتين:
الأولى (144 مجلداً) منها ثمانية مجلدات للقديس أغسطينوس، وستة مجلدات للقديس يوحنا ذهبي الفم. والمجموعة الثانية (14 مجلداً) اهتمت فيها بالكتابات التاريخية لمؤرخين مثل يوسابيوس وسقراط وثيؤدوريت وجيروم. كما أوردت مجموعة لكتابات آباء شرقيين وغربيين وتحوي مجلدًا لأعمال المجامع المسكونية.
وهي من أشهر مجموعات كتابات الآباء الكلاسيكية، قبل ما تصدر النسخ المُنقحة عنها، والنسخة الحديثة المُسماة (The Fathers of The Church)، ويُمكن الاطلاع عليها من المواقع دي:
http://www.newadvent.org/fathers/
http://www.ccel.org/fathers.html
4- الموقع دا http://www.tertullian.org/fathers/ عليه كتابات مجموعة كبيرة من الآباء، وخاصة اللي مش موجودة في المواقع اللي فاتت، زي الآباء السريان والآباء الأنطاك وغيرهم..
55- للرجوع للنصوص الأصلية اللي كُتِبت باليونانية (واللاتينية بالنسبة للآباء الللاتين)، هتلاقي بعضها موجود هنا:
http://www.myriobiblos.gr/patrology_paterika_en.html
ومن هنا هتلاقي بعض الدراسات على كتاباتهم:
http://www.myriobiblos.gr/patrology_meletes_en.html
5- مجموعة (The Fathes of the Churchh)، وهي واحدة من أهم المجموعات الآبائية الحديثة، ممكن تحملها من هنا:
http://libgen.io/search.php…

6- مجموعة من المداخل القيمة عن علم الباترولوجي بالإنجليزية ممكن تنزلها من هنا:
– مجموعة كواستن:
http://libgen.io/search.php…
– كتاب (Fathers Of The Church: A Comprehensive Introductionn) لمجموعة من العلماء، وهو من الكتب المُهمة جدًا كمدخل للباترولوجي، وفيه معلومات قيِّمة جدًا:
http://libgen.io/book/index.php…

امجد بشارة