كتاب الخروج عن النص – تأليف الدكتور محمد طه – دار تويا للنشر و التوزيع – تحميل الكتاب pdf
كتاب الخروج عن النص
تأليف الدكتور محمد طه
دار تويا للنشر و التوزيع
مهم جدا في رحلة اي حد فينا إنه يقف شويه قدام المراية… المراية النفسية… اللي من خلالها يقدر يشوف نفسه، ويعرفها، ويتعلم منها.. علشان يخرج عن النصوص القديمة، ويبدأ يقبل نفسه ويحبها، ويغيرها للأحسن . وهي رحلة تستحق التعب، والصبر، وبعض الألم. الكتاب ده هيساعدك إنك تشوف. تشوف نفسك، بكتير من تفاصيلها و خباياها.. تشوف الآخرين، بطريقة جديدة و مختلفة تماما.. وتشوف علاقاتك، بدرجة عالية من الدقة و الوضوح.. الكتاب ده هيساعدك إنك تتغير. وتخرج عن النص.
محتويات الكتاب:
1- قوم اطمن على حدودك
2- نفسك الحقيقية ونفسك المزيفة
3- ليه بنكرر نفس الغلطة
4- المواقف غير المنتهية
5- مشاعرك اللي هي مش مشاعرك
6- علاقات خطرة
7- انت وعالمك الداخلي
8- الخروج عن النص
9- الحاجة الى الشوفان
10- اوعى تكون مدمن
11- دورك في سيناريو حياتك
12- نصف حياة
13- اقوى سلاح في تاريخ البشرية
14- عن الاحتياج للحضن
15- ياللا نحمل – اب ديت – لبعض
16- كلنا ماليفيسينت
17- انا موجود إذا أنا أستحق
بعض اراء القراء :
حببت اوي اللغة العاميةو رغم انها لغةوعامبة لكنه مكنش ركيك
كتاب رائع جدا و ساعدني بشكل شخصي ببعض الافكار الخاصة بي و ما حولي
ما شعرت ناحيته من مشكلة هو انه في تعامله مع ألم الماضي و في محاولة لتقديم حل، سطح الحل خالص و كانه مفيش حاجة
لكن ده حسيته يمكن في جزء او اتنين مش اكتر
لكن هو كتاب رائع بكل المقاييس
بعض الاقتباسات التى أعجبتنى:
“شوف قد ايه من طاقتك مستنزف.. قد ايه من تفكيرك مُستهلك.. قد ايه من مشاعرك مُنهك.. قد ايه من وجودك ناقص”
عالمك الداخلى حقيقى أكثر من الحقيقة نفسها.. وبيؤثر فى كل أفكارك ومشاعرك وتصرفاتك وردود أفعالك..
عالمك الداخلى مكون من مجموعة من العلاقات والمشاعر المخزنة فى صور درامية هائلة التركيب وشديدة التعقيد..
عالم الداخلى بيظهر فى أحلامك وفى طريقة مشيتك وفى علاقتك بنفسك وجسمك والناس وحتى علاقتك بربنا..
“على فكرة فيه ناس بتقتل علشان تتشاف.. وناس بتهاجر علشان تتشاف.. وناس بتبيع نفسها علشان تتشاف”
عارف المريض النفسى بيخف ازاى؟ عارف البنى لآدم بيتغير لإزاى؟ عارف ايه كلمة السر فى النضج والنمو النفسى تبعًا لكل مدارس علم النفس والعلاج النفسى؟
الشوفان.. والألم.. والقبول..
“إرتباط إنك تستاهل بتحقيق أو إنجاز أى حاجة معناها إنك بتحط لنفسك شروط، فى حين إن ربنا لما كرمك محطش ليك أى شروط على الإطلاق. أنت كريم.. أنت مكرم.. أنت تستاهل..”
